اوخو پیغمبر اوخو
اوخو پیغمبر اوخو
بیر ندا گلدی حرادن اوخو پیغمبر اوخو
سنه امر اولدو خدادن اوخو پیغمبر اوخو
دئدی من بیلمه میشم هئچ اوخوماق عؤمرومده
دئدی قورخما بو ندادن اوخو پیغمبر اوخو
او سیزی خلق ائلمیش پارچالانان بیر قاندان
سسینی قووزا اوجادن اوخو پیغمبر اوخو
قلم ایله او سیزه علم وئریبدیر یوخسا
اولماز ایدیز علمادن اوخو پیغمبر اوخو
غنی گؤرموش اؤزونو ائیلهمیش عصیان انسان
عاصی اولمادی آنادن اوخو پیغمبر اوخو
+ نوشته شده در ساعت 8:22  توسط جواد رمضانی |