گل بی خار
گل بی خار
.......گِلی کردی وُ گفتی دل گرُهته وَ دهسیت ای سفر مشکل گِرُهته غزل سی مُو دَ نیگَی تا بسوزُم
سراغی نیگری وَی حال و روزُم اگر ایخی بری حرفی نیارم
اما ویس تا بگم و روزگارم اگر بی دل غزل سازی نیاره اگر عشقم دَ آوازی نیاره گمون کردی که مهرم سرد ویبو رفیق عششق تو نامرد ویبو گمونت بد گمونی بی عزیزم مو ایخواسم غمَ صحرا نریزم مو هم طاقت نیارم دیرَت ابوم صدقی بُرگِ مث شمشیرت ابوم خدا دونه که ماتم رهمَ بهسه سرای دل نشهسه دیریت غم تو خت دونی نه مرده ی او وُ نونم غم عشق تو بی که ایکه غزونم تیل کالت دوتا کاسه ی عسل بی کمون برگلت ضرب المثل بی پسینی که تیت من ره ولم که
یه کیشی وم کشی و باطلم که و درگاه روندی و ور پیچناییم و کیفار دو برگت پیتناییم دو تا ورمه ی پلت مث دار ونامه و هر جا ایروم سایت نهامه دلم سر کیچه سر گردونت ایبو و پا بوست ایا قربونت ایبو تموم کیچه بَی خرسُم تر ایبو زمهسون هم تیم عاشقتر ایبو اگر سی تو د نیگم شعر نازی اگر بَی تو نیارم عشق بازی بیون درد فقیری عشقَ خو که مِنَ مِن وُرد بدبختی ولو که فلک از نو دوباره بونه کرده غم اورده من ای دل حونه کرده دَ نیسازه زمین بی حال زارم زمونه ی بی وفا که تهلخوارم زمسون برفَ بارم کرد و کشتم یه تربه شرمساری بهس و پشتم
+ نوشته شده در ساعت 8:22  توسط جواد رمضانی |