خالخال
خالخال
خالخال
1 خالخالم ! دونیا یاماندی
سوزلَری بوتون یالاندی
2 سَنی ساخلییَن دییارم !
داشی داش اوستَه قُیاندی
3 غم یِمَه غمین ایچیندَه
گِجَـــه گــــوندوز دُلاناندی
4 اورَگیم سَنون یانونــــدا
عشقی دونیادا اُ یانـــدی
5 دُلاییــــلارون صافالــــــی
نَققشی جانا یاتانــــدی
6 اوجا داغلارون گــــونِیدی
اَللَــــری گـــــویَه چاتاندی
7 گوزلَــــریم دُیمِر باخاندا
یُلــــون اُندا کی دوماندی
8 بیر یانون گوزَل گَدیکدی
بیر یانون گــــــوزَل آراندی
9 مَنیم اورَگیمدَه خالخال !
دییَه سَن چنارلق 1 جاندی
10 آیرلق دوشَندَه یوردم !
اورَگیم غَملیدی ؛ قاندی
11 ایستِرَم قالام یانونـــــدا
حِییف عومــریم قوتاراندی
12 گِجَه گوندوزیم سَن آی گول !
سَنَه بو جانم قــورباندی
13 اورَگیم سَنی گـــورَندَه
اِلَه بیل مییانساران 2 دی
14 مَنی چخاتما یادوننان
وطنیم ! عشقم ! آماندی
15 بو شیرین سوزلی هوژَبرون
خالخالم ! یاددا قالانـــدی
هژبر پاکزاد
31 شهریور 1393 خورشیدی
ــــــــــــــــــــــــــــــــــــــ
1 ــ روستای زیبای چنارلق در پایانه ی جنوبی خلخال
2 ــ منطقه ی باغی چنارلق در کرانه های رود میانسران